මේ අය හමුවෙන්න අමතක කරන්න එපා... (හික්කඩුව -2 / Hikkaduwa - 2)

හික්කා කියන්නෙ කොරල් පරයත් සුන්දර වෙරලත් නිසා ප්‍රසිද්ද උන නගරයක්නේ..ඒ උනාට මේ අය නිසාත් හික්කඩුව අවට වෙරල ප්‍රසිද්ධයි.මේ අය අවුරුදු මිලියන ගානක ඉදල පැවතෙනව කියලයි කියන්නෙ.ඒත් වර්තමානයේදි උග්‍ර වදවීයෑමේ තර්ජනයකට මුහුන දීලයි මේ අය ඉන්නෙ.කවුද මේ අය?
මෙ අය තමයි කැස්බෑවන් කියල කියන්නෙ. ලෝකෙ මෙයාලගෙ වර්ග 7ක් ජීවත් වෙනවා.
ඒත් ලංකාව අවට මුහුදෙ  ජීව්ත් වෙන්නෙ වර්ග 5යි.
ඒ වර්ග 5 තමයි


1.Green Turtle
2.Hawksbill Turtle
3.Loggerhead Turtle
4.Olive Ridley
5.Leatherback turtle

Green Turtle - (කොල කැස්බෑවන්) තමයි ලංකාවෙ භහුලවම දකින්න ලැබෙන වර්ගය.වැඩුනු සතෙකුගෙ දිග 1මීටරයක් පමන වෙනවා.වැඩුනු සතෙකුගෙ බර කිලෝ 120-140ත් වතර වෙනවා.මෙයා වරකට බිත්තර 140ක් විතර දානවා.

Hawksbill Turtle - වර්ගයේ වැඩුනු සතෙක් සෙ.මි90ක් පමන වෙනවා.බර 50-70ක් වෙනවා.මෙයාව කොල කැස්බෑවන් තරම් දකින්න ලැබෙන්නෙ නෑ.
මෙයා මෙයාගෙම තියෙන ලස්සන නිසා වදවීයාමේ අවධානමට මුහුන දීල ඉන්න සතෙක්.

Loggerhead Turtle - වර්ගයේ අය ලංකාවෙ දකින්න අඩුයි.වැඩුනු සතෙක් 1මීටරයක් පමනත් කිලෝ 170-200ක් පමනත් වනවා.

Olive Ridley - වර්ගය වදවීයාමේ තර්ජනයට ලක්වෙලා තියෙන්නෙ මිනිස්සු මෙයාගෙ මස් කෑමට ගන්න නිසයි , බිත්තර කෑමට ගන්න නිසයි. වැඩුනු සථෙක් කිලෝ 35-45ක් විතර වෙනවා.දිග සෙ.මි 65ක් විතර වෙනවා.

Leatherback turtle - වර්ගය තමයි ලංකාවෙ දකින්න ලැබෙන විශාලතම කෙනා.එත් මෙයාව ලංකාවෙ වැඩියෙන් දකින්න නෑ.සුලභ නෑ..වැඩුනු සතෙක් මීටර 3ක් පමන වනවා.බර කිලෝ 750ක් විතර වෙනවා.

මෙයාලගෙන් යාලුවො ටිකක් හැමදාම හික්කා වැල්ලෙ ජීවත් වෙනවා.ඇත්තටම කිවුවොත් සමහර අය මිනිසුන්ගෙ යාලුවො.මෙයාල වැඩිපුරම ඉන්නෙ හික්කා චායා ට්‍රාන්ස් හෝටලය පිටුපස මුහුදු වෙරල ආසන්නයේ.මුලින්ම මෙතන හිටියෙ එක යාලුවයි..දැන්නම් ඒ යාලුවගෙ යාලුවොත් එකතුවෙලා සමහර දවස් වලට 4ක් 5ක්ම ඉන්නවා.මුලින් ඉදපු යාලුවා "රෝසි" .දැන්නම් රෝසිගෙ යාලුවො ගොඩ දෙනෙකුත් ඉන්නවා."ටයිනි" වගේ අය.හික්කඩුව පැත්තෙ එනවනම් මෙයාලව බලන්නත් අමතක කරන්න එපා..

සොදුරු කන්නෙලිය..(all about Kanneliya)

කන්නෙලිය... මීට අවුරුදු 15-20කට කලින් ලංකාවෙ බොහොම සීමිත කොටසක් , එ කියන්නෙ වනසත්ව වේදීන් සහ , ප්‍රදේශයේ ජීවත් උන ටික දෙනා දැනගෙන හිටිය කන්නෙලිය දැන්නම් ලංකාවෙම ප්‍රසිද්ධයි.නිවාඩු දවස් වලට පාසැල් ලමයි , වනසත්ව වේදීන් , විනෝද සංචාර යන අයගෙන් කන්නෙලිය පිරිල ඉතිරිලා යනවා..
මම මගේ පෝස්ට් එක පටන් ගන්න කලින්ම එකදෙයක් කන්නෙලි යන්න බලපොරොත්තු වෙන හැමකෙනාගෙන්ම ඉල්ලන්න කැමතියි..
ඔබ සියලු දෙනා රැගෙන යන කිසිම දෙයක් වනාන්තරය තුල දාලා එන්න එපා.පුලුවන්නම් පා සටහනුත්  මකාගෙනම එන්න.මොකද දැන දැන් කන්නෙලිය ජනප්‍රිය වීම නිසා එන සංචාරකයන් ප්‍රමානය ඉහලයි.ඒක නිසා වනසතුන්ගේ ජීවිතයට සිදුවන අවහිර බොහෝමයි.

කන්නෙලියට යමු...

කන්නෙලිය කියන්නෙ ගාල්ල දිස්ත්‍රික්කයේ පිහිටා තිබෙන පහතරට වැසිවනාන්තරයක්..කන්නෙලිය පිහිටල තියෙන්නෙ ගාල්ල නගරයේ ඉදලා කිලෝමීටර 33ක් පමන දුරකින්..මේ නිසාම පෞද්ගලික වාහනයකින්නම් පැයක පමන කාලයකින් කන්නෙලිය පිවිසුමට ලගාවෙන්න පුලුවන්.නැත්නම් පොදු ප්‍රවාහන සේවාවකින්නම්, ඒ කියන්නෙ බස් එකකින්නම් පැය 2ක පමන කාලයකින් කන්නෙලිය පිවිසුමට ලගාවෙන්න පුලුවන්. බස් එකක යනවනම් ක්‍රම දෙකක් තියෙනවා.ගාල්ල්-උඩුගම බස් එකක ගිහින් උඩුගම ටවුන් එකෙන් බැහැලා කිලෝමීටර 8ක පමන දුරක් ත්‍රී වීල් එකක යන්නත් පුලුවන්..පහසුම ක්‍රමය තමයි ගාල්ලෙ ඉදල උඩුගම , තවලම හරහා නෙලුව යන බස් එකක ගිහින් කන්නෙලියට හැරෙන පොඩි පාර ලගින් බහින්න පුලුවන්.එතන ඉදලා කිලෝමීටර 2ක පාගමනකින් කන්නෙලිය පිවිසුමට ලගාවෙන්න පුලුවන්. 

කොලඹ ඉදලා එනවනම් අධිවේගී මාර්ගයෙන් ගාල්ලට ඇවිත් එන්නත් පුලුවන්. නැත්නම් අධිවේගී මාර්ගයෙන් ඇවිත් බද්දේගම පිවිසුමෙන් පිටවෙලා බද්දේගම උඩුගම මාර්ගයෙන් උඩුගමට ඇවිත් එතන ඉදලා කිලෝමීටර 8ක් තවලම, නෙලුව මාරගයේ තවලම පැත්තට එන්න වෙනවා.

Route 1 : Colombo -> Galle[116km on A2] -> Udugama [32km on B129] -> Panangala [6km on B156] -> Koralegama -> Kanneliya Conservation Centre [2km](approximately 156km)

Route 2 : Colombo -> Kalutara (Katukurunda) [45km on A2] -> Nagoda [3km on B008] -> Mathugama [5km on B308 & 11km on B8] -> Horawala [5km on B3] -> Moragala [7km] -> Palewatta [8km on B3] -> Pitigala [10km on B3] -> Udugama [24km via Mapalagama] -> Panangala [6km on B156] ->Koralegama -> Kanneliya Conservation Centre [2km](approximately 125km)

කන්නෙලියෙ බලන්න තියෙන දේවල්...

(සංචාරකයන්ට සහ විනොද චාරිකා යන අයට )

අනගිමල ඇල්ල - උස මීටර 46. උස අනුව ලංකාවේ 53වෙනියට තියෙන්නෙ මේ  සුන්දර අනගිමල ඇල්ල තමයි.මේක පහලට කඩා හැලෙන්නෙ මහල් ආකාරයට.මේක නරබන්න හොදම කාලය විදියට කියන්නෙ මැයි - ජුනි - ජූලි මාස.ඒත් දැන්නම් ඒක ටිකක් විතර විශ්වාස කරන්න බැරි තත්වෙට පත්වෙලා තියෙනවා දේශගුන විපර්යාස නිසා.මොනව උනත් සාමාන්න්‍යයෙන් හොදම කාලය හැටියට සැලකෙන්නෙ ඒක තමයි.

පිවිසුමේ ඉදල දුර කිලෝමීටර 3ක් පමන තියෙනවා. මේකට මේ නම ලැබිල තියෙන්නෙ අනගි කියන කෙල්ලෙක් ඒ දවස් වල(එකමත් එක කාලෙක ) මෙකෙන් පහලට පැනලා මැරුන නිසා.ඒත් එහෙම පැනලා නම දාගත්ත කියලා මේක බලන්න යන කවුරුවත්නම් මේකට පනින්න එපා.

නාරන්ගස් ඇල්ල - මේකනම් මීටර 70ක් උසයි.මේකට මේ නම ලැබිල තියෙන්නෙ මේ ආසන්නයෙන් බොහොම ලේසියෙන් ඖෂධ සදහා ගන්න නාරං විශේෂයක් සුලබව දකින්න ලැබීම.

මේකත් මහල් ආකාරයට පිහිටල තියෙන්නෙ..ඉස්සරනම් මේකෙ උඩට එල්ලිලා වතෙන් නගින්න පුලුවන් උඩ මහල ලගට යන්න.තව මාර්ගත් තියෙනවා එතනට යන.ඒත් දැන්නම් උඩට යන්න අවසර දෙන්නෙ නෑ ජීවිත අරක්ෂාව ගැන සලකල.ඒක කෝකත්ටත් හොදයිනෙ.. ;) 

Leach

මේ ඇල්ලට ලගා වෙන්න මුලින්නම් එන්න ඕන ගොඩක් සැප පහසු පාරක.ඒක දිගේ ගිහින් අන්තිමට වනය මැදින් පොඩි අඩිපාරක ටික දුරක් යන්නත් වෙනවා..වැහි කාලෙටනම් මාර ෆන්.කූඩැල්ලො මදි නොකියන්න ඉන්නවා. <3 <3 <3

යොධ පුස්වැල - මේකෙ හරියටම පැතිරිලා තියෙන ප්‍රමානය මට මතක නෑ.ඒත් මේකත් අපේ වචනයෙන් කියනවනම් මාරයි. මේක තියෙන්නෙ අනගිමල ඇල්ල පහුකරලා ටික දුරක් නාරන්ගස් ඇල්ල පැත්තට යනකොට.

වවුල් ගුහාව - මේක තියෙන්නෙ අනගිමල ඇල්ල බලන්න යන පාරෙම හරස් අතට පාර යටින් තියෙන උමගක් .ඒක නිසා පොඩි අය එක්ක යනවනම් මේක බලන්න අමතක කරන්න එපා.යන මග පෙන්වන්නා හොදනම් ඔයාලට ඕක ඇතුලෙ ඉන්න අවේනික මැඩි විශේෂයක් බලා ගන්නත් පුලුවන්.වවුල් ගුහාව කිවුවට ඕක ඇතුලෙ අනිත් පැත්තට තියෙන ගුහාවෙ කොටස පේන්නෙ නෑ ඇතුල කලුවර නිසා.පොඩි එලියක් තියෙනවනම් වවුල්ලු විශාල ප්‍රමානයක් ගුහාවෙ දිගට එල්ලිලා ඉන්නව දැක ගන්නත් පුලුවන් වෙයි.

Endemic Frog

ඇත්තටම කන්නෙලියෙ මීට වඩා විශාල වවුල් ගුහාවක් තියෙනවා.ඒත් නරඹන්නන්ගෙ මාර්ගයෙ තියෙන්නෙ මේක තමයි.ඒ ගුහාව ඉස්සර පතලකට ගත්ත එකක් කියලත් කියනවා..එකනම් ගුහාවක් කිවුවට උමගක්.

යොධ නවද ගස - මේකත් ස්වභාව ධර්මයයි කාලයයි එකතු වෙලා කරපු අපූරු නිර්මානයක්...මේක බලන්න යනවනම් ඒ අතර මගදි අනගිමල ඇල්ල සහ , යොධ පුස් වැල , වවුල් ගුහාව කියන ඔක්කොම බලන්න පුලුවන්.එක් දින චාරිකා එන පැය 4 ක් ව්තර ගත කරන්න පුලුවන් කන්ඩායම් වලට හොදම ටික තමයි මේ ටික බලන එක.පොඩි ලමයි ඉන්න , වයසක වැඩිහිටි අය ඉන්න කණ්ඩායම් වලටනම් මේක වැඩියෙ ප්‍රායෝගික නෑ..අධ්‍යාපන චාරිකා එන ලමයි කන්ඩායම් වලටනම් හොදයි.ලමයි කණ්ඩායම්,තරුන කණ්ඩායම් වලටනම් නාරන්ගස් ඇල්ල උනත් ගිහින් එන්න පුලුවන් උපරිම පැය 5කින් විතර.මොකද දුර ප්‍රමානය කොලෝමීටර 7ක් විතර තියෙනවා.

කබ්බලේ කන්ද -මේක ඉතින් හොද හයික් ආසාව තියෙන
සහෝදර , සහෝදරියන්ට තමා. මේක බලන්න යනවනම් හොද මගපෙන්වන්නෙක් කතා කරගන්න.නැත්නම් මේක ගියා කියල කිසි තේරුමක් නැතිවෙයි.නිකම්ම කන්දක් නැගල බැස්ස පමනක් වෙයි.මම මෙ පොස්ට් එකේ ඉස්සරහට මග පෙන්නන අය ගැනත් කියන්නම්.

මේකෙ උස මුහුදු මට්ටමේ ඉදලා මීටර 472ක් පමන වෙනවා.මේක කදු මුදුන් දෙකක් සහිත කදු පන්තියක්.කුඩා කබ්බලේ හා මහ කබ්බලේ කියල තමයි හදුන්වන්නෙ.මම ඔය කිවුවෙ උසම කන්දෙ උස.මේක බලන්න යන්න හොදම දින කිහිපයක් නවාතැන් ගන්න සංචාරකයන්ට තමයි.

නාන තොටුපල - මේක තියෙන්නෙ කන්නෙලිය පිවිසුමෙන් අතුල්වෙලා වනාන්තරයට අතුල්වෙන තැනම පහලට වෙන්න.

මේකනම් කියාපු තැන ඕන තරම් වෙලා වතුරෙ බැහැලා ඉන්න.ඇවිදලා ඇවිදලා ඇවිත් මහන්සිය නිවාගන්න නියම ක්‍රමය තමා මේක. මේක කෘතීමව ගල් බැම්මක් හදලා වන සංරක්ෂන මහත්වරු කාලෙකට කලින් හදපු එකක් තමයි තියෙන්නෙ.පොඩි ලමයින්ට උනත් ජලක්‍රීඩා කරලා වතුරෙ බැහැලා සෙල්ලම් කරන්න කියාපු තැන.වතුර වැඩි කාලෙට මේකෙ ගල් ගැලවිලා ගියත් වනසංරක්ෂන නිලදාරීන් නිසා මේ ස්ථනය හොදට තියෙනවා.කෘතීමව හදපු  ස්වාභාවික ජල තටාකයක්.... ;)

කන්නෙලියේ නවාතැන් පහසුකම්...

නවාතැන් පහසුකම් නම් කන්නෙලියෙ ගොඩක් නෑ..එත් තියෙන ප්‍රමානය හොදටම තියෙනවා.

කන්නෙලියෙ වන සංරක්ෂන දෙපාර්තමේන්තුව යටතේ පාලනය වන වන සංචාරක බංගලාවක් තියෙනවා.කන්නෙලියට ඇතුල් වෙන තැනට මීටර 30ක් විතර කලින් පෞද්ගලික ආයතනයකුත් තියෙනවා "කන්නෙලිය රෙස්ට් " කියලා.තව කිහිප තැනක්ම තියෙනවා ගෙස්ට් හවුස්නම්. 

මමනම් කන්නෙලියෙ නවතින්න අදහස් කරන අයට යොජනා කරන්නෙ වන සංරක්ෂන බංගලාව.ඒක වෙන්කරවා ගන්නනම් වෙන්කරවා ගන්න ඕන දිනට මාසයකට කලින් ඉදල පුලුවන්.එත් එක කර ගන්න වෙන්නෙ බත්තරමුල්ලෙ පාර්ලිමේන්තු පාරෙ තියෙන වනසංරක්ෂන දෙපාර්තමේන්තුවට ගිහින් තමයි.

ඕන කෙනෙකුට මෙන්න තියෙනවා දුරකථන අංක 0112866631, 0112866632, 0112875540  .මේ අංකයක වලට කතාකරල ඔයාට ඔන දවසට මොනව හරි වෙන්කිරීමක් කරල නැද්ද , වැදි විස්තර දැනගන්න පුලුවන්.

කන්නෙලිය බංගලාවෙ තියෙන්නෙ තනි තනි කාමරනම් නෙවෙයි,කණ්ඩායම් කාමර.5,6,11,13,15 යන විදියට ඇදන් ප්‍රමාන අඩංගු කාමර 5ක් තමයි තියෙන්නෙ.

මෙතන නවාතැන් ගන්න අයට අවශ්‍යනම් කෑම උයල දෙනවා.එත් එ සදහා ඕන කරන බඩු ටිකනම් ඔයාලට අරගෙන යන්න වෙනවා.එක අයෙකුට කෑම වේලක් පිලියෙල කරන්න ගෑස් වලට රුපියල් 10ක් අය කරනවා.කෑමනම් නියමයි!!නවාතැන් සදහා අයකරන මුදලයි මේ ඔක්කොමයි එකතු වුනත් ඉතාම සහනදායී මිලක් තමයි තියෙනෙ.වැසිකිලි පහසුකම් ගැනත් අතිශයින් සතුටුවෙන්න පුලුවන්.හොද පිරිසිදුව හැම දෙයක්ම පාලනය වෙනවා.ඇත්තටම කියනවනම්  

ඇද ඇතිරිලි , කොට්ට උරත් මෙතනින් සපයනවා.ඔබට සපයපු ඇදඇතිරිල්ලට සහ කොට්ට උරයත රුපියල් 15ක් අය කරනවා.උයන්න ඉන්න කාර්ය මණ්ඩලයත් අති විශිෂ්ටයි...

ඡායාරූප කරනය කරන අයට, වන සත්ව වේදීන්ටනම් මෙතන කියාපු තැන.! ;)

අමතක කරන්න එපා...

මේක වන රක්ශිතයක්. ඒක නිසා මත්පැන් , මත්ද්‍රව්‍ය ගෙන ඒම තහනම්!!!

හොද මග පෙන්වන්නෙකුගෙ සහයත් ලබාගන්න අමතක කරන්න එපා.සෙනග වැඩි දවස් වලට ස්වෙජ්ඡාවෙන් සේවය කරන ප්‍රදේශවාසී අය්ත් ඉන්නවා..ඒත් ඒ අයට වනය ගැන , සත්තු ගැන , සත්තු ඉන්න තැන් ගැන ලොකු දැනුමක් නෑ....

ඒක නිසා පුලුවන්නම් නිත්‍ය මග පෙන්වන්නෙකුගෙ සහය ගන්න. 

කැමතිනම් විශාන්ට( 0774-614930 ) කෝල් කරලා බලන්න.මම දන්න තරමින් විශාන්ට ගොඩක් අත්දැකීම් තියෙනවා සත්වවේදීන් එක්ක වැඩ කරලා.මගේ කවුරුවත්නම් නෙවෙයි..කන්නෙලි ගිහිල්ලම දැනගත්ත පුද්ගලයෙක්. :)

ඔබ සියලු දෙනා රැගෙන යන කිසිම දෙයක් වනාන්තරය තුල දාලා එන්න එපා.පුලුවන්නම් පා සටහනුත්  මකාගෙනම එන්න.

සුභ ගමන්..!!!

හික්කඩුව - Hikkaduwa

ඔන්න මම මගේ මුල්ම පෝස්ට් එක විදියට මගේ ගම ගැනම ලියන්න හිතුවා.

අපේ පලාතට අනිත් පලාත් වල මිනිස්සු මෙච්චර බයක් තියෙන්නෙ මොකද කියන එක මම හැමදාම කල්පනා කරන දෙයක්..අපේ පලාතෙ එක සීමාවක් තමයි බෙන්තොට ගග.මේ ගගෙන් අපේ පැත්තට ඒ කියන්නෙ දකුණු පලාතට ඇස් දෙක වැහුන බලල් පැටියෙක්වත් ගේන්න එපා කියන හේතුවනම් මම තවමත් කල්පනා කරනවා. :

අපි ඉතින් ආඩම්බරෙන් ඕන තැනක කියන කතාවක් තමයි ගම ගාල්ල.මමත් ඉපදුනේ ගාල්ලෙ උනාට පොඩි කාලේ ඉදලම හැදුනෙ වැඩුනෙ නම් ගාල්ලට ආසන්නම ලංකාවෙ ප්‍රථම සංචාරක පුරය වන සුන්දර වෙරලකට හිමිකම් කියන හික්කඩුවෙ. අපේ වචනෙන් කියනවනම් හදවතින්ම හික්කා කොල්ලෙක්.



හික්කඩුවේ ඉතිහාසය.

හික්කඩුව කියලා නම හැදුනා කියලා කියන ජනවහරේ එන ප්‍රසිද්ධ කතාව ථමයි...
හික්කඩුව කියන්නෙ ශිල්පයට කඩුවක් බදුවූ කියන අදහසින් සිප්+කඩුව පසු කාලෙක හික්කඩුව කියලා කැඩිල බිදිල ආව කියලා.මේක තමයි පිලිගත් මතය.මේ මතය ඇත්ත කරන සාක්ෂි ඒ කියන්නෙ ඒ කාලෙ ප්‍රසිද්ධ අධ්‍යාපනඥයන් සහ අධ්‍යාපන ආයතන මේ ප්‍රදේශයේ පිහිටලා තිබිල තියෙනවා.

 පොඩි උන් අතරත් තව ජනප්‍රිය කතාවක් තියෙනවා.. ඒ කාලෙ රජ්ජුරුවෝ දෙන්නෙකුගෙ සටනක් තිබිලා තියෙනවා මේ ආසන්නයේ වෙලක.ඔහොම සටන් කරනකොට එක රජතුමෙකුගේ කඩුව බිම වැටිලා..ඒ වෙලාවෙ රජතුමා ෂික්...කඩුව කියපු එක බිදිලා ආව කියලා..



හික්කඩුව සංචාරක පුරය....

හික්කඩුව කියන්නෙ ඒ කාලෙ බොහොම අහින්සක විදියට ජීවත් උන මිනිස්සුගෙන් ජනාකීර්න නොවුව පොඩි ගමක්.ධීවර කර්මාන්තයයි , ගොවිතැනයි තමයි ගොඩක් දෙනෙකුගේ ජීවනෝපාය වෙලා තිබිල තියෙන්නෙ..
මම මේ කියන කාලේ හික්කඩුවෙ දැන් කොරල් ගාර්ඩන්ස් නැත්නම් චායා ට්‍රාන්ස් කියන හොටලය පිහිටල තියෙන තැන තිබිලා තියෙන්නෙ පොඩි කරවල වාඩියක්.හිතා ගන්න පුලුවන්නෙ මම මේ කියන්නෙ කොයි කාලෙද කියල. අපේ ආච්චිලගේ,සීයලගේ පොඩි කාලේ..

Walduuwa Gala - Hikkaduwa.

එකදවසක් මේ හරියෙ මාලු අල්ලන්න ගියපු ධීවරයො ටිකදෙනෙක් අපූරු මල්වත්තක් වගේ ප්‍රදේශයක් දකිනව..ඔන්න ඊට පස්සෙ මේ ආරන්චිය කටින් කට යනවා..ඊට ටික කාලෙකට පස්සෙ මිනිස්සු මේවා බෝට්ටුවෙන් නරබන්න යන්නත් පුරුදු වෙනව..බෝට්ටුවෙ අරගෙන යන පතුලට වීදුරුවක් හයි කරපු පොඩි ටැන්කියක් වතුර උඩ තියල තමයි මේවා බලල තියෙන්නෙ..ඔහොම ගිහින් අර පොඩි වාඩිය තිබුන තැන හික්කඩුව තානායම බිහිවෙනව.අන්තිමේ මේකට රජයත් මැදිහත් වෙනවා.ඒකෙ ප්‍රතිපලයක් විදියට තමයි ලංකාවෙ මුල්ම සහ එකම සමුද්‍ර අභයභූමිය ගැසට් පත්‍රයක් මගින් ප්‍රසිද්ද කරනවා.අර වාඩිය තිබුන තැන තානායමක් වෙලා අන්තිමේ සුවිසල් හෝටලයක් බවටත් පත් වෙනවා.ඒ තමයි දැන් චායා ට්‍රාන්ස් කියන කලින් කොරල් ගාර්ඩ්න්ස් නම් හෝටලය..මේක ගැන අන්තර්ජාතිකවත් ප්‍රසිද්ධ උනා..මොකද හික්කඩුවෙ කොරල් උයන ගොඩබිමේ ඉදන් ඉතාම අඩු දුරක ඉදන්ම ආරම්භ වීම.විවෘත ආර්ථිකයත් එක්කම ජේ.ආර්.ජයවර්ධන උන්නැහේගේ සිහිනයක් උන සංචාරක නගරත් ඇතිවෙනවා.ඔන්න ඔහොමයි ලංකාවෙ ප්‍රථම සංචාරක පුරය උනේ.

 දැන්නම් අර පරන බෝට්ටු වෙනුවට තියෙන්නෙ මෝටර් හයි කරපු ග්ලාස් බෝට්ටු.ඒව දුවන්නෙ තෙල් වලින්...ඒක නිසානම් හිතෙනව කලින් තිබුන විදිය හොදයි කියලා..මොකද පරිසර දූෂනයක් නැති නිසා.දැනට අවුරුද්දක විතර කාලයක ඉදන් රජයෙන් බෝට්ටු වල යන්නත් පොඩි ගානක් අය කරන්න ගත්ත.ඒත් ඒ ගන්න මුදල් වලින් හික්කඩුවටනම් වෙන දෙයක් නෑ කියලයි හැමෝගෙම අදහස.අලුතෙන් වනජීවී කාරයාලයක් පිහිටෙවුවත් එකෙනුත් වෙන්නෙ බෝට්ටුවල යන අයට ටිකට් කඩන එකයි , බෝට්ටු වල ටර්න් එක හදන එකයි විතරයි.කොරල් උඩ නගින මිනිස්සු දිහා වනජීවී එකෙන් බලා ගෙන ඉන්න එක තමයි කරන්නෙ.....
ඒකෙන් මේකෙන් උනේ අන්තිමේ නිකන් බෝට්ටුවක රවුමක් ගියපු අපිට කෙල උන එක තමයි.තව හික්කඩුව ගැන විස්තර ඉස්සරහට මගේ පොස්ට් වලින් කියවන්න පුලුවන්..



හික්කඩුවනම් දැන් ලංකාවෙම ප්‍රසිද්ධ සංචාරක පුරයක්.හෝටල් , ආපනශාලා , සංචාරකයන්ට ලංකාවෙ මතක සැමරුම් ගන්නම බිහිඋන කඩ , රාත්‍රි ජීවිතය (නයිට් ලයිෆ්) ඔන දෙයක්...අපේ වචනෙන් කියනවනම් ඕනම දෙයක්..ඒත් පිට ඉන්න අය හිතාගෙන ඉන්න විදියනම් නෙවෙයි.සදාචාරයත් හොදින් රැකිලා තියෙනවා.පොඩි පොඩි ප්‍රශ්න ඇරෙන්න. ;)
හික්කා(Hikka beach fest) වෙරල සැනකෙලිය නිසා හික්කඩුවට දැන් වැඩිදෙනෙක්
කියන්නෙ හික්කා කියල.
මොනව උනත් අපිනම් හදවතින්ම හික්කා තමා.හවසට වැල්ලෙ  ක්‍රිකට් පාරක් ගහල , එහෙමම මුහුදෙත් නාල ගෙදර යන එක තමයි නිවාඩු කාලෙ අපේ දවසේ අන්තිම වැඩසටහන.

නිවාඩු කාලෙටනම් හික්කඩුව තරමක් කාර්යබහුලයි.වන්දනා ගමන් යන අය, ට්‍රිප් යන අය , ඉස්කෝලෙ ලමයි ,විවේකය ගතකරන්න හික්කඩුවට එන දේශීය සංචාරකයන්ගෙන් පිරිල යනවා.එන්න ඔයාලත් ඇවිල්ල ජීවිතේ ටිකක් විදලා යන්න එන්න...

මම...

මම බ්ලොග්කරනයටනම් අලුත් සෑහෙන අලුත් කෙනෙක්...

බ්ලොග් එකක් ලියන්න සෑහෙන කල් ඉදලා උත්සාහ කරත් මේ පාර තමයි ඒක හරියටම හරිගියේ.ඒ කියන්නෙ වෙලාව තියෙන වෙලාවට මගේ ජීවිතේ සුන්දර මතක සටහන් , කතා දිගටම ලියාගෙන යන්න හිතාගෙන මේක පටන් ගත්තෙ කාලයක් බලාගෙන ඉදලා.

ඔන්න ඉතින් මම ගැන ටිකක් කියලම පටන් ගන්නම්කො..මම ගැන කියනවනම් මම හදවතින්ම හද්ද ගොඩයෙක්..හැම දෙයක් ගැනම සාධාරනව , හොදවිදියට හිතුවත් අන්තිමේදිම මට තොප්පියක් වැටිල තමයි හැම දෙයක්ම ඉවර වෙන්නෙ.එකත් දැන් මට ගානක් නැතුව ගිහින්.මම ගැන මගේ ලගින් ඉන්න අය , පවුලෙ අය හොදට දන්නවනෙ කියල මම හිත හදා ගන්නව.ඔය ඇති වගේ.....
ඇත්තටම මේ දවස් වල හිතටත් ටිකක් අවුල් වගේ නිසා ආයිත් ලියන්න පටන් ගන්න හිතුවෙ.

ඔන්න එහෙනම් හා හා පුරා කියල මම වැඩ අරඹනවා ආයුබෝවන්ඩ...